الوكيل الذكي بيشتغل إزاي
إيه اللي الوكيل بيعمله مع العميل، إيه اللي عمره ما بيعمله، وإمتى بيسلّم لفريقك.
الوكيل الذكي هو موظف المبيعات اللي بيرد على كل عميل جديد فورًا، ليل ونهار. بتظبطه من صفحة «الوكيل الذكي» (المالك والمدير بس).
تشغيل وإيقاف الوكيل
أول كارت في الصفحة: «الوكيل بيرد على العملاء». لما يكون «شغال» بيرد على كل رسالة جديدة. لو قفلته («متوقف»)، الرسايل الجديدة بتروح لفريقك في «محتاج موظف» وسبب التحويل «الوكيل الذكي مقفول».
بيعمل إيه في كل محادثة
يرحّب ويفهم العميل عايز إيه
شراء ولا إيجار ولا استثمار، ونوع الوحدة. بيبدأ برسالة الترحيب اللي إنت كاتبها، وبيسأل سؤال أو اتنين بس في كل رسالة.
يرشّح من الكتالوج بتاعك
بيدوّر في وحداتك ومشروعاتك بالغرض (بيع/إيجار)، نوع الوحدة، المنطقة أو الكمبوند، الميزانية، المقدم والقسط، عدد الغرف، المساحة، والاستلام الفوري أو تحت الإنشاء. لو مفيش حاجة مناسبة بيقول كده بصراحة ويعرض أقرب حاجات حقيقية.
يجمع طلب العميل
وهو بيتكلم بيحفظ البيانات في طلب العميل (الميزانية، طريقة الدفع، المقدم، المناطق…). بيانات التأهيل
ياخد طلب معاينة
لو العميل عايز يعاين، بياخد يوم وفترة مناسبة ويسجّل طلب معاينة. فريقك هو اللي بيأكد الميعاد. طلبات المعاينة
يأهّل ويسلّم
أول ما يجمع كل البيانات المطلوبة، بيقيّم العميل ساخن أو دافئ أو بارد، ويكتب ملخص، ويبعت إشعار لفريقك. العميل بيظهر في «العملاء» بمرحلة «جاهز»، والمحادثة بتظهر في «محتاج موظف». الوكيل بيفضل يرد على أسئلة العميل لحد ما حد من فريقك يرد.
اللي الوكيل عمره ما بيعمله
- ميألّفش وحدات ولا أسعار ولا خطط سداد ولا مقدمات ولا مواعيد استلام ولا عائد استثمار. أي معلومة لازم تكون من الكتالوج بتاعك، ولو مش موجودة بيقول إن موظف هيأكدها.
- ميرشّحش غير الوحدات اللي حالتها «متاح».
- ميقبضش فلوس، ميحجزش وحدات، ميأكدش ميعاد معاينة، ومش بيوقّع عقود.
- مبيطلبش رقم قومي أو باسبور أو بيانات كارت أو حساب بنكي.
- مبيقولش العمولة، ولا أقل سعر للمالك، ولا «تعليمات للوكيل الذكي» اللي إنت كاتبها على الوحدة.
اللغة والرسايل
- بيرد باللهجة اللي إنت مختارها، أو بلهجة العميل لو اخترت «حسب العميل» (ولو العميل كتب إنجليزي بيرد إنجليزي). شخصية الوكيل
- بيفهم الفرانكو، مثلًا «kam el moqadem».
- الرسايل الصوتية بتتفرّغ لنص والوكيل بيرد عليها عادي، وهتلاقي «تفريغ الصوت» جنب الرسالة في المحادثة.
- لو العميل بعت لوكيشن، الوكيل بيعتبره المنطقة اللي العميل مهتم بيها وبيدوّر في الوحدات القريبة منه.
- الصور والملفات الوكيل مش بيشوف محتواها، فبيطلب من العميل يوصفها.
- بيعرف مواعيد العمل بتاعتك: لو الفريق مش موجود دلوقتي بيقول للعميل إن الفريق هيتابع في مواعيد العمل. مواعيد العمل
إمتى بيحوّل لفريقك («محتاج موظف»)
| الحالة | اللي بيحصل |
|---|---|
| العميل طلب يكلم حد، اشتكى، عنده مشكلة في دفع أو عقد أو حجز قديم، أو عايز يفاصل في السعر | الوكيل بيقف ويحوّل المحادثة بأولوية «عالية» |
| موقف من اللي كاتبه في «إمتى يحوّل لموظف» | نفس الكلام |
| سؤال الوكيل ميقدرش يجاوبه من الكتالوج أو الأسئلة الشائعة | نفس الكلام |
| محادثات الذكاء الاصطناعي خلصت للشهر أو التجربة انتهت | المحادثات الجديدة بتروح لفريقك على طول |
| الوكيل معرفش يرد لمشكلة فنية | المحادثة بتروح لفريقك |
في كل الحالات بيوصل إشعار للمالك والمديرين. التحويل لموظف · محادثات الذكاء الاصطناعي
أداء الوكيل
في نفس الصفحة كارت «أداء الوكيل» لآخر 30 يوم: «ردود الوكيل»، «متوسط سرعة الرد»، «محادثات اتعامل معاها»، «نسبة التحويل لموظف»، «عملاء أهّلهم الوكيل»، «نسبة التأهيل»، و**«طلبات معاينة»** أخدها الوكيل، ورسم لـ «ردود الوكيل في اليوم».
الوكيل مش بيرد خالص؟
لو شفت رسالة إن إدارة المنصة وقفت الوكيل مؤقتًا أو إن حساب الشركة موقوف، الوكيل مش هيرد حتى لو مفعّل. تواصل مع الدعم. وراجع كمان إن عندك وحدات متاحة وإن القناة متوصلة.
ظبّط الوكيل
شخصية الوكيل
الاسم، رسالة الترحيب، اللهجة والأسلوب.
التعليمات
تعليمات شركتك، إمتى يحوّل، والممنوعات.
بيانات التأهيل
يجمع إيه من العميل قبل ما يسلّمه.
المعلومات اللي بيستخدمها
الوحدات والمشروعات والخدمات والأسئلة الشائعة.
طلبات المعاينة
إزاي بياخد الطلب وإزاي فريقك يأكده.
جرّب الوكيل
اتكلم معاه كأنك عميل من غير ما حاجة تتسجل.