جرّب الوكيل
اتكلم مع الوكيل كأنك عميل على وحداتك الحقيقية، من غير ما يتعمل عملاء أو تتحسب محادثات.
محادثة التجربة بتوريك الوكيل هيرد إزاي على المشترين والمستأجرين قبل ما يكلّم عملاء حقيقيين. افتحها من «الوكيل الذكي» ← «افتح محادثة التجربة» (المالك والمدير).
تجربة حقيقية بس من غير أي أثر
الوكيل بيدوّر في وحداتك ومشروعاتك وخدماتك الحقيقية بنفس الطريقة بالظبط، لكن التجربة مش بتعمل عملاء، ولا بتبعت إشعارات، ولا بتحسب من محادثات الذكاء الاصطناعي. وتقدر تجربه حتى لو الوكيل متوقف للعملاء.
ابدأ تجربة
- اضغط «تجربة جديدة».
- اكتب كأنك عميل، أو اختار رسالة من الاقتراحات:
- «عايز شقة 3 غرف في التجمع بميزانية 5 مليون»
- «فيه وحدات استلام فوري بالتقسيط؟»
- «3ayez a2ra fe el sheikh zayed, el moqadem kam?»
- «ممكن أعاين الوحدة يوم السبت الصبح؟»
- كمّل الكلام زي أي عميل: غيّر الميزانية، اسأل عن المقدم، اطلب معاينة، اطلب تكلم موظف.
التجارب القديمة بتفضل في «تجارب سابقة»، وتقدر تمسح أي واحدة من «حذف التجربة». كل تجربة ليها عدد رسايل محدود؛ لو ظهرلك «التجربة دي اتملت»، ابدأ تجربة جديدة.
اللي بتشوفه جنب الشات
| الكارت | بيوريك إيه |
|---|---|
| «الوكيل عمل إيه» | الأدوات اللي استخدمها في آخر رد: دوّر في الوحدات، فتح تفاصيل مشروع، حفظ بيانات… بالمدخلات والنتيجة. دوس على أي رد قديم عشان تشوف أدواته. |
| «بيانات العميل اللي اتجمعت» | طلب العميل زي ما الوكيل فهمه، المرحلة والتقييم، و**«لسه ناقص»** إيه من بيانات التأهيل. |
| «اللي كان هيحصل بجد» | الحاجات اللي كانت هتتنفذ لو ده عميل حقيقي: حفظ في بيانات العميل، طلب معاينة، تأهيل العميل وتنبيه الفريق، أو تحويل المحادثة لفريقك، ومين كان هيوصله إشعار. |
لو الوكيل قال سعر أو معلومة غلط، بص في «الوكيل عمل إيه»: هتعرف جابها منين، وغالبًا هتلاقي التصحيح مكانه في الوحدة أو المشروع نفسه.
جرّب إعدادات مختلفة من غير ما تحفظ
كارت «جرّب إعدادات مختلفة» بيخليك تغيّر في التجربة دي بس:
- اسم الوكيل، «اللهجة»، و**«أسلوب الكلام»**.
- «العميل بيكتب من»: واتساب، إنستجرام، ماسنجر، تيليجرام أو موقع الويب.
- «بيانات التأهيل».
- «التعليمات» و**«ممنوع على الوكيل»**.
أول ما تغيّر حاجة هتظهر علامة «تجربة من غير حفظ». التغييرات دي مش بتأثر على الوكيل الحقيقي؛ لو عجبتك، انقلها في صفحة «الوكيل الذكي» واضغط «حفظ الإعدادات». ولو عايز ترجع، اضغط «رجّع الإعدادات المحفوظة».
جرّب شات الموقع كعميل
عايز تشوف التجربة من ناحية العميل بالظبط؟ افتح «رابط الشات العام» بتاعك من شات الموقع. بس خلي بالك: ده شات حقيقي: بيعمل محادثة (وعميل لو الوكيل جمع بيانات) وبيتحسب من محادثات الذكاء الاصطناعي.