PropDrop
الأسعارالدعمافتح PropDrop
القنوات

ربط واتساب

خطوة بخطوة، من إنشاء تطبيق Meta لحد أول رسالة يرد عليها الوكيل الذكي على رقم واتساب بيزنس بتاع شركتك.

بعد الصفحة دي، أي عميل يبعت على رقم واتساب بيزنس بتاعك هيوصل صندوق المحادثات، والوكيل الذكي هيرد عليه على الواتساب نفسه. واتساب متاح في كل الباقات.

الربط بيتم من خلال تطبيق Meta بتاع شركتك و WhatsApp Cloud API. الخطوات كتير شوية بس كل واحدة بسيطة. خصص حوالي ساعة، وخلّي جنبك الموبايل اللي عليه الرقم.

عايزنا نعملها بدالك؟

إضافة «تجهيز ميتا»: فريق PropDrop بيربطلك واتساب وماسنجر وإنستجرام مرة واحدة. اطلبها من «الإعدادات ← الباقة والاشتراك» (الإضافات).

قبل ما تبدأ

  • حساب Meta Business (Business portfolio) لشركتك على business.facebook.com، وإنت Admin فيه.
  • حساب مطوّر على developers.facebook.com بنفس حساب الفيسبوك.
  • رقم تليفون يستقبل SMS أو مكالمة عشان كود التفعيل.
  • في PropDrop: إنت المالك أو مدير.

الرقم هيتنقل لـ Cloud API

الرقم اللي بيتسجل على WhatsApp Cloud API غالبًا مينفعش يفضل شغال في تطبيق واتساب العادي على الموبايل في نفس الوقت. لو مش متأكد، الأسلم تستخدم رقم مخصص للمبيعات بدل رقمك الشخصي.

الجزء الأول: تطبيق Meta والرقم

اعمل تطبيق Business

  1. ادخل developers.facebook.com/apps ودوس Create app.
  2. اكتب اسم للتطبيق (مثلًا «PropDrop - اسم شركتك») وإيميل التواصل.
  3. اختار حالة الاستخدام Connect with customers through WhatsApp، ولو اتسألت عن النوع اختار Business.
  4. اختار الـ Business portfolio بتاع شركتك ودوس Create app.

ضيف رقم واتساب بيزنس

  1. من قائمة التطبيق افتح WhatsApp ← API Setup.
  2. دوس Add phone number، واكتب الاسم اللي هيظهر للعملاء (Display name) ونوع النشاط.
  3. فعّل الرقم بالكود اللي هيوصلك.

الرقم التجريبي

Meta بتديك رقم تجريبي (Test number) في نفس الصفحة، بس ده بيرد بس على الأرقام اللي بتضيفها في قائمة To. لو عميل برّه القائمة بعت، هتشوف في المحادثة «رقم Meta التجريبي: ضيف رقم العميل ده لقايمة الأرقام المسموحة في تطبيق Meta بتاعك». استخدمه للتجربة بس، وبعدين حط رقمك الحقيقي.

انسخ WhatsApp Business Account ID و Phone number ID

في نفس صفحة API Setup:

  • Phone number ID: رقم طويل خاص بـ Meta، مش رقم تليفونك.
  • WhatsApp Business Account ID: رقم حساب واتساب بيزنس اللي الرقم تابع له (موجود كمان في WhatsApp Manager).

انسخ الـ App secret

App settings ← Basic ← App secret ← Show. PropDrop بيستخدمه عشان يتأكد إن كل رسالة جاية فعلًا من Meta.

الجزء التاني: توكن دائم من System user

التوكن هو المفتاح اللي بيخلّي PropDrop يقرا الرسايل ويرد بالنيابة عنك. لازم يكون دائم، عشان كده بنعمله من System user مش من حسابك الشخصي.

اعمل System user

Business settings ← Users ← System users ← Add، اكتب اسم واختار الدور Admin.

اديله الأصول

من Assign assets:

  1. Apps ← تطبيقك ← Manage app (تحكم كامل).
  2. WhatsApp accounts ← حساب واتساب بيزنس ← تحكم كامل.
  3. Save changes.

اعمل التوكن

  1. Generate new token واختار تطبيقك.
  2. Token expiration: اختار Never.
  3. الأذونات:
    • whatsapp_business_messaging
    • whatsapp_business_management
    • business_management (اختياري)
  4. Generate token وانسخه فورًا، Meta مش هتوريهولك تاني.

أشهر غلطة

لو اخترت مدة غير Never، الربط هيشتغل وبعدين يقف فجأة لما التوكن يخلص، والقناة هتبقى «محتاج مراجعة».

الجزء التالت: اربط في PropDrop

شغّل واتساب بيزنس

افتح «الإعدادات ← القنوات والربط» وشغّل مفتاح «واتساب بيزنس».

الصق البيانات

الخانة في PropDropجبتها منين
«توكن مستخدم النظام (System user)»التوكن من الجزء التاني
App secretApp settings ← Basic
WhatsApp Business Account IDWhatsApp ← API Setup
Phone number IDWhatsApp ← API Setup

دوس «ربط»

PropDrop هيتأكد إن الرقم تابع لحساب الواتساب ده ويوجّه رسائل الـ Webhook لرابط شركتك تلقائيًا. لو كله تمام هتظهر «تم الربط مع Meta»، والقناة تبقى «مربوط» واسم الرقم يظهر، وتحتها قائمة بقدرات القناة والصلاحيات اللي Meta اديتها.

بعد الحفظ، التوكن والـ App secret بيتشفّروا ومش بيظهروا تاني. لو حبيت تعدّل حاجة تانية سيب خاناتهم فاضية («محفوظ. سيبه فاضي عشان تفضل القيمة الحالية.»)، والزرار بيبقى «حفظ واختبار».

أكّد الـ Webhook في Meta

حتى لو الربط التلقائي نجح، كمّل الخطوة دي:

  1. في تطبيق Meta: WhatsApp ← Configuration.
  2. في Webhook دوس Edit، والصق Callback URL و Verify token من جزء «الـ Webhook (الصقه في تطبيق Meta)» في PropDrop.
  3. Verify and save.
  4. تحت Webhook fields اشترك في messages.

لو ظهرلك «اتربط، بس معرفناش نظبط رابط الـ Webhook تلقائي»، الخطوة دي إجبارية.

حوّل التطبيق لـ Live

من أعلى لوحة التطبيق حوّل App Mode لـ Live. Meta مش بتبعت بعض الـ Webhooks والتطبيق في وضع Development، وهتطلب Privacy Policy URL قبل التحويل (حط لينك سياسة الخصوصية على موقعك).

جرّب

  1. من موبايل تاني ابعت «عايز شقة 3 غرف في التجمع» على رقم الواتساب.
  2. في PropDrop، «آخر حدث» هيتحدّث.
  3. في المحادثات هتلاقي محادثة واتساب جديدة والوكيل رد. العميل هيشوف الرسالة اتقرت و«بيكتب…» قبل الرد.

العملاء يبعتوا إيه؟

  • النصوص: الوكيل بيقراها ويرد.
  • الرسايل الصوتية: بتتفرغ نص والوكيل بيفهمها.
  • الصور والملفات: بتتحفظ في المحادثة لفريقك.
  • اللوكيشن: الوكيل بيستخدمه كتلميح للمنطقة اللي العميل عايزها.

قاعدة الـ 24 ساعة

الرد مسموح خلال 24 ساعة من آخر رسالة للعميل. بعدها واتساب بيطلب قوالب معتمدة، وPropDrop لسه مش بيبعتها، فالرسالة مش هتتبعت لحد ما العميل يكتب تاني. اقرا نافذة الرسايل.

لو حاجة مش شغالة

فصل القناة

«حذف بيانات الربط» بيمسح التوكن والـ App secret والقناة بتقف عن الاستقبال والإرسال. المحادثات القديمة بتفضل، والـ Callback URL والـ Verify token بيفضلوا زي ما هم لو رجعت تربط تاني.

الخطوة الجاية

ربط ماسنجر

استخدم نفس تطبيق Meta لرسايل صفحة الفيسبوك.

نافذة الرسايل

إمتى تقدر ترد على العميل وإمتى لأ.

شات الموقع

لينك شات جاهز مع الوكيل الذكي تحطه في البايو والإعلانات، وفقاعة شات تحطها في موقعك بسطر واحد.

ربط ماسنجر

خلّي رسايل صفحة الفيسبوك توصل صندوق المحادثات والوكيل الذكي يرد على ماسنجر، خطوة بخطوة.

في الصفحة دي

قبل ما تبدأالجزء الأول: تطبيق Meta والرقماعمل تطبيق Businessضيف رقم واتساب بيزنسانسخ WhatsApp Business Account ID و Phone number IDانسخ الـ App secretالجزء التاني: توكن دائم من System userاعمل System userاديله الأصولاعمل التوكنالجزء التالت: اربط في PropDropشغّل واتساب بيزنسالصق البياناتدوس «ربط»أكّد الـ Webhook في Metaحوّل التطبيق لـ Liveجرّبالعملاء يبعتوا إيه؟لو حاجة مش شغالةالخطوة الجاية