بيانات الشركة

اسم الشركة ونوع النشاط والترخيص والتواصل والعملة والمنطقة الزمنية والنبذة واللوجو، واللي الوكيل الذكي بيستخدمه منها.

«بيانات الشركة» بتظهر لعملاءك على صفحتك العامة وصفحة الشات، والوكيل الذكي بيستخدمها في ردوده. المالك والمدير بس يقدروا يعدّلوها.

افتح بيانات الشركة

الحقول

الحقل	بيستخدم في إيه
«اسم الشركة»	مطلوب. بيظهر للعملاء وفي لوحة التحكم.
«الاسم بالإنجليزي»	بيظهر في الواجهة الإنجليزي.
«نوع النشاط»	«شركة وساطة عقارية» أو «فريق مبيعات مطوّر» أو «بروكر مستقل». بيظبط طريقة كلام الوكيل الذكي مع العملاء.
«رقم الترخيص»	رقم ترخيص الوساطة أو السجل التجاري، بيظهر على صفحتك العامة.
«رقم التليفون» و«رقم الواتساب» و«البريد الإلكتروني» و«الموقع الإلكتروني»	طرق التواصل مع شركتك.
«العنوان» و«المدينة» و«الدولة»	مكان الشركة.
«العملة الأساسية»	جنيه مصري أو درهم إماراتي أو ريال سعودي أو دولار أمريكي. العملة الافتراضية لأسعار الوحدات والصفقات والتقارير.
«المنطقة الزمنية»	بنحسب بيها مواعيد العمل والمعاينات والتقارير (القاهرة، دبي، الرياض، الدوحة، الكويت، البحرين، مسقط، عمّان، بيروت).
«نبذة عن الشركة»	الوكيل الذكي بيقراها وبيستخدمها لما العميل يسأل عنكم.
«السوشيال ميديا»	لينكات صفحاتك، بتظهر كأيقونات على صفحتك العامة.

اضغط «حفظ التعديلات» بعد ما تخلّص.

«العملة الأساسية» غير عملة الاشتراك

العملة هنا خاصة بأسعار وحداتك وصفقاتك. عملة الدفع لـ PropDrop (جنيه في مصر ودولار برّه مصر) بتتحدد لما الشركة بتتعمل ومش بتتغير من هنا. شوف الباقات.

اكتب نبذة تساعد الوكيل

النبذة دي من أهم الحاجات اللي بيعرفها الوكيل الذكي عنكم. اكتب فيها:

خبرتكم وبقالكم قد إيه في السوق.
المناطق والكمبوندات اللي بتشتغلوا فيها.
المطورين اللي بتتعاملوا معاهم.
فروعكم.
أي حاجة بتميزكم (مثلاً وحدات ريسيل استلام فوري، تقسيط لحد 8 سنين).

متكتبش في النبذة أسعار أو خطط سداد أو مواعيد استلام لوحدات معيّنة. الوكيل بياخد التفاصيل دي من الوحدات والمشروعات وخطط السداد بس.

اضغط «ضيف لينك» والصق لينك أي صفحة: إنستجرام، فيسبوك، تيك توك، يوتيوب، X، سناب شات، لينكدإن، تليجرام، خرائط جوجل وغيرهم. PropDrop بيعرف المنصة من اللينك ويعرض أيقونتها على صفحتك العامة. شوف لينكات السوشيال.