الوحدات

دوس «وحدة جديدة»انسخ لينك القسم

الوحدة بتتعمل مسودة وتفتح على صفحة التعديل. المسودة مش بتتحسب من حد الباقة ومش بتظهر للعملاء ولا للوكيل.

«البيانات الأساسية»انسخ لينك القسم

• «الغرض»: «للبيع» أو «للإيجار». لو للإيجار اختار «مدة الإيجار»: «شهري» أو «سنوي» أو «يومي».
• «نوع الوحدة»: شقة، فيلا، تاون هاوس، توين هاوس، دوبلكس، بنتهاوس، ستوديو، شاليه، مكتب، محل، عيادة، أرض.
• «اسم الوحدة (عربي)» (مطلوب) و**«اسم الوحدة (إنجليزي)»**، مثلًا «شقة 3 غرف بجنينة في التجمع الخامس».
• «كود الوحدة»: كود داخلي زي PD-1042، ولازم يكون مختلف لكل وحدة.
• «المشروع»: لو الوحدة في مشروع عندك في «المشروعات» اختاره، والوكيل هيربطها ببيانات المشروع. لو ريسيل في كمبوند مش مضاف، اكتب «اسم الكمبوند».
• «المدينة» و**«المنطقة»** و**«رابط اللوكيشن»** (رابط جوجل ماب، الوكيل بيبعته لما العميل يسأل المكان فين).
• «وحدة مميزة»: بتظهر الأول والوكيل بيرشّحها قبل غيرها.

«المواصفات»انسخ لينك القسم

المساحة، مساحة الأرض، الجنينة، الروف، غرف النوم، الحمامات، الدور (0 = أرضي)، الفيو، و**«التشطيب»** («على الطوب»، «نص تشطيب»، «متشطبة»، «مفروشة»).

«الاستلام»: «استلام فوري» أو «تحت الإنشاء». للوحدات تحت الإنشاء حط «ميعاد الاستلام المتوقع». وعلّم «ريسيل» لو المالك هو اللي بيبيع مش المطوّر.

«السعر»انسخ لينك القسم

السعر اللي الوكيل هيقوله للعميل (أو قيمة الإيجار للمدة اللي اخترتها). علّم «قابل للتفاوض» لو فيه مرونة: الوكيل هيقول إن السعر فيه مرونة ويحوّل العميل للفريق بدل ما يتفاوض هو.

«أنظمة السداد»انسخ لينك القسم

ضيف نظام أو أكتر (مقدم، سنين تقسيط، دفعة استلام…). الشرح كامل في أنظمة السداد.

«الصور والفيديو»انسخ لينك القسم

JPG أو PNG أو WebP، لحد 8 ميجا للصورة و20 صورة للوحدة. أول صورة هي الغلاف، وتقدر تغيّره بـ «خليها الغلاف». الصور بتتحفظ أول ما ترفعها. ممكن كمان تحط «رابط فيديو» و**«رابط جولة افتراضية»**.

«الوصف» و«المميزات والخدمات»انسخ لينك القسم

اكتب اللي يميّز الوحدة بلغة بسيطة، واختار المميزات من القائمة أو اكتب ميزة مش موجودة واضغط Enter.

احفظ وخليها «متاح»انسخ لينك القسم

دوس حفظ، وبعدين من «تغيير الحالة» اختار «متاح». هيظهرلك «الوحدة بقت متاحة، والوكيل الذكي هيبدأ يرشّحها».