أول ساعة مع PropDrop
من التسجيل لحد أول رد من الوكيل الذكي على عميل حقيقي، في 6 خطوات.
الصفحة دي للمالك اللي لسه فاتح حساب. امشي على الخطوات بالترتيب، وفي الآخر هيكون عندك وكيل ذكي بيرد على عملاءك من وحداتك ومشروعاتك الحقيقية.
1. اعمل حسابك
سجّل بالإيميل أو بـ «كمّل بجوجل»، وأكّد الإيميل من الرسالة اللي هتوصلك. التفاصيل
2. جهّز شركتك (4 خطوات)
اسم الشركة ورقم الواتساب والدولة ولهجة المساعد ونوع شغلك، وبعدين اسم المساعد وأسلوبه، الباقة، ودعوة الفريق. التجربة المجانية 14 يوم بتبدأ أول ما تعمل الشركة. التفاصيل
3. ضيف وحداتك ومشروعاتك
الوكيل بيرشّح بس من اللي إنت ضايفه. ضيف شوية وحدات متاحة من «الوحدات» أو مشروعات من «المشروعات» بالأسعار وخطط السداد، وخلّي حالتها «متاح» أو «نشط». المسودات مش بتوصل للوكيل. الوحدات · المشروعات
4. ظبّط الوكيل الذكي
من «الوكيل الذكي»: رسالة الترحيب، بيانات التأهيل اللي عايزه يجمعها، وتعليمات شركتك (المناطق اللي بتشتغلوا فيها، شروط الحجز، إمتى يحوّل لموظف). التفاصيل
5. جرّبه كأنك عميل
اضغط «افتح محادثة التجربة» واكتب زي ما العميل بيكتب، مثلًا «عايز شقة 3 غرف في التجمع بميزانية 5 مليون». التجربة مش بتعمل عملاء ولا بتحسب من محادثاتك. التفاصيل
6. اربط قناة وابدأ
أسهل بداية: «رابط الشات العام» جاهز من غير أي ربط، حطه في البايو أو ابعته للعملاء. وبعدها اربط واتساب أو ماسنجر أو إنستجرام أو تيليجرام من «القنوات والربط». القنوات
خلاص كده
من اللحظة دي أي عميل يكلمك هيظهر في «المحادثات»، والوكيل هيرد عليه. أول ما يتأهل هيوصلك إشعار وهتلاقيه في «العملاء».